كــــــــــــــان يـــا ما كانكان في أربعــــــــة صحاب
لأ لأ بلاش نقول صحاب علشان مانظلمش الصحوبية
كانوا بيقولوا انهم صحاب
الأول بتاعهم كان عايز يوصل لحاجة
بغض النظر أنه ما يستحقهاش
أو انه مش قدها
بس المهم أنه كان عايز يوصلها
بشر الاعمال وخيرها
المهم حيوصل
وعلشان الحاجة دي مهمة بالنسبة ليه
قال لصاحبه التاني علي الحاجة دي
علشان يساعده يعني ويقف جنبه
مش هما صحاب ولا أيه ؟؟؟؟؟
التاني ده بقي قال طب أنا ليه اساعده
ليه أتعب زي ما هو حيتعب وفي الاخر هو اللي يوصلها
لأ .... الحاجة دي انا اللي حاخدها
وقال ان انا اللي احق بيها
طب يعمل أيه ؟؟؟؟
راح لصاحبهم التالت علشان يساعده
علي اساس ان صاحبهم التالت ده فاهم شوية
وعشمه في كبير
بس هو مش عارف حاجة
" من أعمـــــــالكم سلـــــط علــــــيكم "
صاحبه التالت ده عمل معاه زي ما هو عمل مع صاحبه الأول
راح لصاحبه الرابع وقاله
ليـــــــــــــــــــــــــــــــــه ؟؟
مين دول ولاد امبارح اللي حيوصلوا لحاجة كانت حقنا من زمان
وهما عايزين ان انا اساعدهم
أساعدهم علشان يوصلوا لحاجة كانت من حقي
يابني بص احنا نساعدهم لغاية قبل ما يوصلوا
علشان يكونوا هما اللي في الصورة
وقبل ما يوصلوا علي طول
نلحقها أحنا قبلهم
وده حقنا من زمان ولا انت ناسي
والرابع ده بقي كان اكتر واحد الحاجة دي من حقه
والشيطان صايع
ولعب في دماغه
ودخل جون
ووافق
التالت بقي وهم الاول انه حيساعده انه يوصل وهو وافق
بالرغم من انه شك فيه
او قلق
ففعلا التالت ده الحاجة دي من حقه طب ليه حيساعدني
بس قال طالما حوصل مش مشكلة باي طريقة وخلاص
والتالت بقي برده وهم التاني انه حيساعده علشان يبعد الأول عن سكته
والتاني برده صدق
وكان التالت بيلعب مع الرابع انهم اللي حيوصلوا
وفضــــــــــل كـــــــل واحــــــد عـــايــش في وهـــــمه الكبــــيـــــــــــر
بيحلم باليوم اللي حيوصل ليه
بيفكر في اليوم اللي حيبيع في صحابه
وينتظره بفارغ الصبر
والمضحك بقي في الموضوع ده
ان كان كل واحد فيهم بيجي يحكي ليا
وأنا باسمع ومش راضي اتكلم
علشان ببساطة لو أنا اتكلمت
حاكون انا الغلطان
حاكون انا اللي بفرق الصحاب الأعزاء عن بعضهم
اه في حاجة مضحكة أكتر ولذيذة جدا
واعتقد انكم عايزين تعرفوها
ولا واحد منهم وصل للحاجة دي
كان في ناس تانية بتخطط وبتفكر
وهما اللي اخدوها
والاربعة صحابنا دول اخدوا علي قفاهم
هما خلاص اتعموا بجشعهم وطمعهم
ونسوا ان في ناس تانية ممكن يوصلوا
والناس دي للأسف مش كويسة
وطبعا مش حقها
بس فكروا صح .... ووصلوا
أنا عارف ان القصة ملخبطة شوية
وفي ناس مش حتفهمها
بس انا فعلا عاذرهم
اولا لاني ممكن مكنش وضحت حاجات كتير
وكتبتها بصورة غامضة شوية لانه ما ينفعش تتكتب الا كده
واللي حيفهمها بقي
مش حيصدقها
بس فعلا الحكاية دي حصلت بجد
وانا عاصرتها بكل تفاصيلها
كنت مستنيها تخلص علشان اقولكم وصلت لغاية فين
كنت عايز اعرف ايه النهاية
34 comments:
هههههههههههه
كيمو جاب جون يا رجاله
طبعا انا مش هتكلم على القصه علشان انا حاضرها من اولها لاخرها
على فكره يا جماعه انا الوحيد اللى كنت عارف تباعيات القصه ديه بالكامل من كريم لحظه بلحظه بس ده لانى ببساطه من خارج الاربعه اياهم
بص يا كيمو اولا انت حرامى لانى كنت ناوى اعمل البوست ده بس انت سبقتنى
هههههههه
ثانيا يا صاحبى انت عارف اللى فيها
الدنيا ما بتديش محتاج و دول مش بس كانوا محتاجينها دول كانوا بيجروا وراها
و لازم تبقى ديه النهايه ما تنساش اننا توقعناها فى البدايه
و فى النهايه
سلملى على بنجوره
تحياتى
هو الواحد مش فاهم القصة قوي نظرا للغموض المحيط بيها..بس خلينا نقول هو ايه الحكايه تعرف انا كنت هعمل بوست عن الصحوبيه برده اصل لسه واخده على قفاي من واحده مفروض انها صاحبتي..بس قررت ألا أؤرخ الأحزان ومكتبش البوست ....المهم راحت فين الأخلاق..هو كل واحد بيمثل على التاني ان هو صاحبه ...فين الصحوبية اللي بجد...كل واحد بيتكلم عن الصحوبية ...هو كل واحد فينا صاحب بجد ولا ..
السلام عليكم
هو فعلا أنا فهمت القصه نص نص
بس أيا كانت الحاجه اللى بيجروا وراها ولو أنى توقعتها
مكنتش أتخيل أن فيه صحاب ممكن تعمل كده ما ينفعش أصلا نقول أصحاب
ومعلش ما ينفعش نقول عليهم أنسان بيحس لان مجرد الوفاء ده المفروض حاجه من الأخلاق مش من الصداقه
عموما كما تدين تدان والحمد لله ان محدش فيهم وصل للحاجه دى
ربنا يصبرك كفايه انك سمعتهم
بوست طويل
اعمله تانية في الديل
اوروفوار
انا بقى فاهمها او على الاقل حاسس اني فاهمها الطمع وحش بقى نعمل ايه في النفس البشريه
على فكره ليك تاج عندي
sherif basha
اولا طبعا ماقدرش علي زعلك يا جميل
لو عايزني اشيله خالص اشيله ياباشا
كله يهون علشان خاطرك يا جميل
ومش حتكلم معاك بقي في القصة
علشان احنا اتكلمنا فيها كتير جدا
وفاهمنها من اولا لاخرها
سلام ياصاحبي
بنت مصر
فعلا القصة غامضة جدا
بس انا حسيت ان انا ما ينفعش اوضح اكتر من كده
علشان لو وضحت اعتقد انها حتكون فضايح
انا ما ارضاش ان هي تتكتب عن ناس اعرفهم
وبالنسبة للصحاب
فالصاحب ده حاجة نادرة جدا
واللي يلاقيه يكون سعيد الحظ جدا
يلبذات في الةقت اللي احنا فيه ده
في الوقت اللي كل واحد بيدور علي مصلحته
وممكن يدوس اي حد قدامه
حتي لو كان اللي قدامه ده صاحبه
وما تزعليش من صاحبتك اللي زعلاك دي
ممكن ما يكونش قصدها
كلميها
ممكن يطلع الموضع كله سوء تفاهم
سلاماتي
حياة الاحلام
معلش والله علي غموض القصة
بس هي ما ينفعش تتكتب الا كده
ما ينفعش اوضح يعني
ولا اعتقد ان الحاجة اللي انتي توقعتيها صح
علي العموم قوليها
وانا حاقولك صح ولا لآ
وعلي فكرة
سماع القصة دي كان مسلي جدا
كنت بشوف كل واحد علي حقيقته
وكنت مستني اعرف الموضوع ده نهايته ايه
سلاماتي
Baskota
طهقانة
اعتقد ان انتي كنتي طهقانة
لدرجة ان انتي ما قدرتيش تكملي البوست
علي العموم حادور علي اي خياط يعملي الموضوع اللي انتي قولتلي عيه ده
Mohamed sobhy
عامل ايه يا اهلاوي
علي فكرة القصد من القصة انت وصلتله
مش لازم تفاصيل قوي
بس المهم تشوف
الصحاب بيعاملوا بعض ازاي
وان الانسان الجشع ده اعمي
وممكن يدوس علي ي حاجة قدامه للوصول للحاجة اللي هو عايزها
والمشكلة بقي ان الحاجة دي ما تستاهلش اصلا
تـــــــــــــــاج تاني
ايه كده يا اهلاوي
هو انا عملت فيك حاجة وحشة
سلامــــــــــاتي
كل سنة وانتي طيبة
بجد كلمات جميلة جدا
كلمات رقيقة قوي
سلاماتي
طيب هوا انا مش فاهمة حاجة ههههههههههههه
فهقول عدس
على اساس الى ميفهمش يقول عدس
وبالنسبة بقى للصحوبية
فشئ اساسى طالما فى مصالح يبقى الصحوبية ملهاش وجود
سلام
انا فاهمه القصه كويس جدا وعشت حاجات شبهها كمان
نقول ايه بس الدنيا بقت وحشه اوى
محدش بيفكر غير فى نفسه وبس حتى لو غيره هيتاذى بسببه مش مهم المهم بس انى اوصل للى انا عاوزة
دنيا غرورة وفانيه
ومحدش فاهم
سلامى ليك
عمى وعم عيالى
انا بصراحه توهت اكتر من مره بس بتهيألى إنى فهمت حاجه ولا أقولك
أجدع حاجه إنى إنت كنت بتتفرج على الحوار دا كله شعور تانى على قدر ما بيزعل من الاصحاب الى كده بوست حلو رغم الغموض اللى فيه
عارف البوست دا فكرني بايه
بالتلاتة بقصة معروفة جدا
انا مش فاكرة تفاصيلها كويس
هم تقريبا 3 حرامية سرقوا سريقة
وبعد ما سرقوا كل واحد بقى مع نفسه شايف انه يكون افضل انها ما تتقسمش على تلاته
وان واحد لوحده ياخدها يكون افضل
وككل واحد قرر يتخلص من الاتنين التانيين
ففي واحد قال لزميله احنا ليه نقسم على تلاتة وممكن نقسم على اتنين
احنا نتخلص منه ونقسم على اتنين وبدل ما تاخد التلت تاخد النص
وافق زميله
وبعتوا زميلهم يشتري اكل وقرروا انه اول ما يرجع يقتلوه
التالت بقى وهو مع نفسه كدا
والشيطان صايع بقى صياعة تشرد يعني
وقاله وليه تاخد التلت وانت تقدر تتخلص منهم الاتنين
وتاخد الكل
طب ازاي ازاي
جاب سم وحط لهم في الاكل ورجع لهم
اول ما رجع اخدوه على خوانة وقتلوه
وقعدوا ياكلوا وكل واحد عمال يخطط هايتخلص ازاي من التاني
واكلوا طبعا واتكلوا
ومر على ثلاثتهم رجل
اخذ ما امامهم
وكان سببا في جشعهم وتدبيرهم لتخلصهم من بعض
الطمع والجشع والوضاعة
امراض مزمنة ومتآصلة
في العديد من النفوس البشرية
وعلى فكرة انت ليه بتقول نظلم الصحوبية
هم لو متلازمين في تحركاتهم دايما
يعتبروا اصحاب
لكن اللي ممكن يبقى فيه ظلم انك تقول عليهم
اصدقاء
لأن في فرق كبير بين الصاحب وبين الصديق
حتى الصديق تحسها جاية ومرتبطة بالصدق
وانك بتكون ولازم تكون صادق مع صديقك
في تصرفاتك ومشاعرك اتجاهه
لكن الصاحب من المصاحبة
وواضح انهم كانوا مصاحبين بعض
زي صاحب السفر
وصاحب الطريق كدا يعني
والقصة مش ملغبطة ولا حاجة
وبغض النظر عن تفاصيلها
لكن مضمونها مفهوم جدا ومتكرر
المغزى والخلق البشع
اللي هو الطمع والجشع وصل بيهم للخيانة والدناءة وقمة الوضاعة
ايا كانت التفاصيل مش ضرورية
جميل البوست يا دكتور
ومشم حتاج اي اصلاحات
دا هو كدا حلو اوي
البنت الشلبية
هو فعلا القصة غامضة شوية
بس للاسف مقدرش اوضح اكتر من كده
هو خلاصة القصة دي
ان الصحاب
او اللي بيقولوا علي نفسهم صحاب
مش صحاب
كل واحد بيمشي في سكته
رايح لمصلحته
ولا يهمه اي حد قدامه
لو قريتي الكومنت بتاع ما علينا
ممكن توضح الصورة اكتر
shyma
هو فعلا الطمع
بيعمي صاحبه
وبيخليه ما يفكرش في حد الا نفسه
حتي لو كان صاحبه حيتاذي
فعلا كلامك صح جدا
وكلام واقعي
ممكنيكون السبب
انهم فعلا ما يعرفوش يعني ايه صداقة
ســـــــــــــلاماتي
سي السيد
صديقي العزيز
هو فعلا القصة غامضة شوية
بس زي ماقولت
مش حينفع ان انا اوضح
بس فعلا كان شعور لذيذ
ان انا قاعد باسمعهم
وانا الوحيد الليعارف كل اللي بيحصل
ومافيش حد تاني عارف
ماعدا الغريب
هو اللي كان عارف معايا
مـــــــــــا علينا
اولا شكرا كتير علي كلماتك الجميلة دي
بجد بتشجعيني كتير
تقريبا
انتي الوحيدة اللي فهمتي القصة بتاعتي كويس
بدليل ان القصة اللي انتي قولتيها
تقريبا هي نفسك القصة
مع اختلاف الشخصيات بس
بالنسنة بقي لموضوع الصحوبية والصداقة
هو اكيد الصداقة اقوي بكتير من الصحوبية
بس برده الصحوبية دي
ليها حق علينا
مهما كان
بس برده ما ينفعش نبيعها كده
اه هو الصديق غالي علينا
بس الصاحب برده ما ينفعش نبيعه
هو فعلا خلاص
بس الطمع و الجشع
خلاص
بقوا هما فعلا اللي سايدين في الوقت
حنعمل ايه بقي
سلامــــــــــــاتي
انا قلت اجي اسلم و اقول اني بسلم عليك و بقولك متنساش التاج اللي باعتهولك
mohamed sobhy
الله يسلمك ياباشا
ومش ناسي ولا حاجة
بس افوق بس من صدمة التاج اللي فات
سلاماتي
كان مرة في الشاطر عمرو و كمان كان في واد بشنابات و ساعة الانتخابات بامر سي عمرو الاول في قصتك كان بيحكيله حكايات مش مهم عدا وفات والتاني عينه علي القرشينات..و التالت في اللعبة مات و تاه..و الرابع اضرب علي قفاه..كل ده عشان مال و جاه تحياتي الرسالة وصلت
Zivago
اهم حاجة ان انت وصلتك الرسالة
وسلملي علي الماستر
بالعكس انا مش شايفاها غامضه وطريقه سردها بالطريقه دي شدتني ليها اكتر قصه جميله ومحزنه بس يارب يكونوا اتعلموا من اللي حصلهم ده هما الاربعه
سلامي ليك ياأصيل
Tota
يارب فعلا تكون القصة وصلتلك
انا انكر انها غامضة
وناس كتير ما فهموش كل تفاصيلها
بس كويس جدا ان انتي فهمتيها
المشكلة بقي انهم ما بيتعلموش
الناس اللي الطمع ملاها للوصول لحاجة
اكيد ما بيكونش قدامهم الا الحاجة دي
وبيتعموا عن كل حاجة تانية غيرها
وممكن يعمول اي حاجة للوصول ليها
طيب الاول والتاني وعرفناها عشان الاول انت عارفه اما التاني والتالت انت عارف انهم صحاب ليه مكلمتش التاني يبعد من سكات الموضوع اتبني جواه في شهر ومفرقش معاه كتير اللي يفرق ان واحد زي التالت هو اللي يعملها معاه رغم ان انت ياكيمون اتكلمت مع التاني في الموضوع ده وكنت قربت تقوله وبعد كده رجعت كان احسن تقوله عشان عارف الاول كان حاسس ان التاني والتالت والرابع مش بيساعدوه عشانهما مش اصحاب لكن انت عارف ان اتاني والتالت لو اللي انت قولته ده صح صعب يحصل كده بينهم لأن الموضوع كان صدفة عند التاني كان ممك يستغنس عنها بسهولة أوي بس انا عاتب عليك انك كان ممكن متخليش التاني والتالت يحصل بينهم كده علي اساس انهم كانو بيحكولك يعني ولا ايه علي فكرة لو الاول عرف كده مش هيتفاجئ لانه كان حاسس قلتلكمش اصحاب لكن التاني لو حس باين كده هتبقي مفاجأه ممكن تقسمه نصين وهتفرق معاه كتير بس هو بيوعدك
سكتم بكتم
سكتم بكتم
أولا انا مشعارفاقولك ايه
انا اصلا مش عارف ازاي ححط عيني في عينك
بس أقولك
الاول ده بره القصة من الاساس
اناوانت عارفين انه ما يستاهلش نتكلم عنه من الاساس
والرابع برده مش قريب قوي لينا كده
نيجي بقي للتاني والتالت
انا اصلا ما كنتش عارف اعمل ايه
لاني عارف صداقتهم قد ايه
ده احنا وصلنا لمرحلة ما اعتقدش ان في صحاب وصلولها
بس انا عارف ان الحاجة اللي كلواحد كان عايزها دي
ياما فرقت صحاب عن بعض
وانت عارف كدده كويس
ومش انا اللي حاقولك
وانا كنت عايز اعمل اي حاجة
بس ايه ؟؟؟
مش عارف
ما كنتش لاقي حل
قلت اسلم حاجة ان انا اسكت
واحاول من بعيد ان انا اساهم في حل الموضوع ده
علشان كده كلمتك
وعملت كده برده مع التالت
حاولت
بس عارف
انا كان جوايا حاجة بتقولي ان الحوار ده مش حيكمل
اكيد ربنا مش حيضيع كل اللي بينا ده كده
علي حاجة هبلة زي دي
والحمد لله
واكيد انا عارف ان لو التاني والتالت وصلوا هما الاتنين للحاجة دي
اكيد
اكيد
اكيد
حتتحل برضاهم هما الاتنين
واكيد برده ما فيش حد حيرضي يزعل التاني
انا كنت متاكد
علشانكده فضلت انانااتفرج من بعيد
سلاماتي ليك يا صـــــاحبي
la2 asseel !!!
أنا مش مصدق اللي حصل لغايه دلوقتي انا عايز اققول حاجه والله العظيم انا عيط وانا بقراها انا حسيت اني ممكن يتعمل معايا الموقف ده من اصحابي يلهوه قد كده الصحاب رخيصه قد كده كل بيجري ورا الحاجه اللي هو عايزها ويدوس علي كل اللي قدامه حتي لو كان اصحابه ولا بلاش اصحابه زي ماكريم قال علي الاقل الناس اللي باتوا مع بعض وكلوا مع بعض وسهروا مع بعض وعلي فكره انا اول لما فسرت الطلاسم اللي انت كاتبها ياكيمو انا حاسس ان الناس دي كلها بتعامل بعض برياء
ومش مهم ياكريم تعرف انا مين المهم انا واحد بيحبك انت وشريف جدا جدا جدا
ياجماعه ياريت اللي يقري القصه ميتصدمش ان الصحاب كده لان دول اساسا لايطلق عليهم اسم اصحاب انا بعد مافقت من الواقعه دي فكرت هل انا ممكن يتعمل معايا كده بس الدنيا لسه بخير ولسه فيه ناس بتحب بعض وعلي فكره ياكريم انت زي ماشريف قال انت جبت جون
السلام عليكم
الحمد لله انك ما ادخلتش في الموضوع
والا فعلا كنت انت اللي بتحاول توقع بين الاصحاب العظماء
افعل كما شئت
كما تدين تدان
سلاماتي
mesh2dra
فعلا الحمد لله اني ما دخلتش في الموضوع
وشفت الموضوع من بعيد
الحمد لله
سلامــــــــــــاتي
فين موضوعك الجديد؟؟ شد حيلك شوية
بنت مصر
والله انا كنت في فنرة من الكساد الفكري
مش لاقي حاجة تستفذني
بس الحمد لله يعني
شفت حاجة نورت في دماغي
وكتبتها
يارب تعجبك
مستني تعليقك
Post a Comment