February 4, 2008

شكــــــرا معلمتي








في بداية رحلته الطويلة وهويعلم ان لازال امامه اكتر من نصف يوم ليصل اللي وجهته
وقد خيم الليل وهو محشور في كرسي اتوبيس في مكان لايكفي لفرخة
وقد نام جميع من معه واصبح الاتوبيس هادئ الا من ضوضاء نوم الاخرين
قام بخفه وارجع ظهر الكرسي بخفه حتي لا يقلق ذلك الكائن النائم وكانه وحش نهاية اللعبة
وهو وفي رحلته لا يريد اي مشاكل من اولها
ارجع الكرسي حتي كاد يطبق علي صدر هذا الكائن
تسلل اللي السائق وطلب منه ان يحضر له حبيبته الغنائية
رجع الي كرسيه الفسيح وفرد ظهره حتي احس انه نائم علي شيزلونك علي شاطئ البحر
بدأت نغمات سيرة الحب في الوصول الي اذنيه
احس بنشوة بالغة
اغمض عينيه
رأي امامه هذا الملاك الذي طالما حلم ان يكون معه
راها تبتسم له في رقة
راها تهمس في اذنيه بالكلمة التي طالما اراد ان يسمعها منها
فتح عيونه في بطئ فراي كل جبال الطريق قد ارتسم عليها هذا الوجه الجميل
انه ذاهب الي مكان قد يعتقده كل الناس ملتقي الجمال
الا ان الجمال عنده قد راه الان امام عيونه
اراد ان يكلمها حالا
يكلمها ليقول لها
شكــــــــــرا حبيبتي
لقد علمتني كيف الحب , علمتني كيف الحياة
علمتني كيف ارسم بكل كلمة جميله اسمعها ملمح من ملامح وجهك الملائكي
علمتني كيف ان اي موسيقي تستهوني اجدها تتطايرمع خصلات شعرك الخمري
علمتي قلبي كيف ينبض ليضح في جسدي بعض الحب يقوني علي الحياة في انتظار النظرة التالية منك
علمتي كل خلية في جسدي ان تصرخ بحبك حتي موتها
اريد ان اقولها لك بكل قوتي
ولكنها لا تستطيع ان تخرج من حلقي
اقولها لكل الان
شكــــــــــــــــــــــــــرا معلمتي
شكــــــــــــــــــــــــــــرا حبيبتي
شكـــــــــــــــرا حيــــــــــــاتي

16 comments:

Anonymous said...

ياعينى ياعينى
:))))))

لا بجد حلوة اوى اوى
ولو بجد يبقى يابختها ياعم بالكلام الحلو ده
وربنا يسعدكو يارب

ليك تاج عندى ابقى تعالى خده
سلامى
:)))

el_assel said...

Shyma


رنا يخليكي يارب
دايما رافعة من معنوياتي
ودايما بتكوني اول كومنت

بس ليه الزعل ده
تــــــــــاج مرة واحدة
ماشي
اوعك اني حاجاوب عليه بعد الوست ده
وانا والله لسة ما قريته


سلاماتي

Anonymous said...

الله يا اصيل اه ده كله انا اول مرة اعرف انك جامد اوى كده طالما كل ده جواك اظن انه حرام يفضل جواك لوجدك
الى يحب الحب ده كله يبقى الحب ده اكيد من حقه ربنل يوفقك و تبقوا لبعض ان شاء الله و تكونا اسعد اتنين فى الدنيا انت تستاهل كل خير

moza

el_assel said...

ربنا يخليك ياموزة يارب
ويسمع من بقك ربنا
ربنا يسهل
وكلامك يتحقق

Anonymous said...

يااااااااااااااااااااااه
ايه كل ده بجد كلام جميل اوي
انا دلوقتي عرفت ليه كان في يوتيرن اولاني وتاني بس ان شاء الله مش هيكون في تالت...................0
ومش هستغرب انك طلعت بالرومانسية
دي كلها..كان باين عليك....انت بجد اصيل وتستحق
كل خير وان شاء الله ربنا يسعدك مع
الاميرة اللي بتحلم بيها ،،هدعيلك ياكريم يارب يارب ربنا يوفقك

crazy girle

زى الهوا said...

جميل جدا , ايه كل الرومانسية الرائعة دى , ربنا يوفقكوا , ويهنى سعيد بسعيدة هههههههههه

el_assel said...

Crazy girl

شكرا بجد علي الكلام الحلو ده
ربنا يخليكي يارب

el_assel said...

زي الهـــــــوا

دي مش رومانسية ولا حاجة
ده كلام من القلب وخلاص والله
ربنا يخليك


سلاماتي

3LY said...

هاله هاله هاله و مين يقابل
كيمون بقى
بجد الكلام بيعبر عن احاسيس حلوة قوي و نادرة الوجود في هذا الزمان او موجودة بس مش بيتعبر عنها بالطريقة المناسبة
عشان كده روح و عبر بقى ... البلوح مش كفاية يا كيمون ولا اية ؟ ربنا يوفقكوا مع بعض يا رب

el_assel said...

Alyyyyyy


ربنا يخليك ياباشا
هي حبة كلام كان مجود في القلب وطلعته وخلاص
ممكن مايكونش كفاية
بس يلا بقي
وباذن الله حنلاقي اللي يقابل بقي


سلاماتي

sherif gharib said...

كيمو اكيد انت عارف ان انا مش هقولك الكلام اللى ممكن يقولهولك اى حد بس اللى انا عايز اقولهولك ان ده بجد من وجهه نظرى هو اكتر بوست احسست فيه بصدق ما بداخلك
ان تنتابك كل هذه الصور فى رحله طويله تكون فى اغلب الاحيان ممتزجه بملل من اصوات النائمين
ان ينقلب الحال الى صور و جماليات مختلفه نابعه عن احساس حقيقى غير مفتعل لانه ببساطه غير متبادل الى هذا الحين من تلك الصور تلك هى الحقيقه يا صديقى
رايت كل تلك الصور قبل ان تسطرها يداك عرفت حينها ان هذا الاحساس الذر يرى فيه العاشق معشوقته فى لحن بديع فى صوره على احرف كل تلك الجبال فى تعبير رجفه ترتسم على الملامح لمجرد ذكر الاسم او حتى الايماءه اليه كل هذا ان دعا يدعوا فقط الى الدعاء و الى الحرب احيانا من اجل ان تكتمل الصوره و صدقنى يا صاحبى لكى تكتمل الصوره لابد ان تضع لها البرواز و هذا البرواز سيكون فقك فى كلمه واحده ستحملها قسمات وجهك عند المصارحه
و ان كنت تريد النصيحه عجل بها فلن تخسر شيئا
تحياتى يا كيمو و اسف على الاطاله بس يمكن ديه حاجات مش هينفع انى اقولهالك بس لازم اوصلهالك

Zivago said...

ولا اللي انت كاتبه ده يا بن الذين
وانا اللي بقول أن الاصيل هو خليفتي في
العزلة.....عموما انت اثبت انك مش ساهل زي مانا قلت....لك قبل كده
كلام صادق و معبر أصيل ككاتبه و هو يعطي لقارئه"سواي"املا في الحب الافلاطوني المفتقد و........و
مش حعقدك كتير بكلام اونطا ربنا يوفقك يا عم و تلاقي بت الحلال الأصيلة زيك
بس متنساش الميلفيه عشان انا بحبه

Zivago said...
This comment has been removed by the author.
البنت الشلبية said...

ازيك يا اصيل
انت بتتكلم عن حبيبتك ولا مامتك بمانسبة عيد الام يعنى؟

عامة ربنا يوفقك ويسعدك

همس الحياه said...

يااااااااااااااه ايده بس ياجماعة الوحد لما بيقراء حاجة زى كدا بيحس ان الرومنسية لسة موجودة فى الدنيا دى ربنا يمملكم على خير يارب مدونة جميلة وشكرا لتشريفك مدونتى

Unknown said...

احساسك حلو
وتعبيرك قوى
بوست هايل

بالتوفيق