كنا مع بعض علي الحلوة وعلي المرة
كان اللي يدخل بينا لايكون ليه حول ولا قوة
كنــا صحاب ولا أي صحــــــاب
دلوقتي بقينا أكتــر من الأغـــــــراب
مش عارف أتغيرت ليه يــا صاحبي
مش أنت الصاحب اللي أنا عرفته
ياتري هو السبب اللي أنا عارفه
ولا سبب تاني أنت أخترعته
مش عارف أنت حاسس ولا مش حاسس
ان انت علي صاحبك بقيت متغير وبقيت قاس
ما بقاش يهمك تعرف عنه حاجة
وبقي كل همك ....... ولا بلاش أقول لا تزعل
خليك فاكر أن أنت اللي بعت
واحد مش حتلاقبه مهما دورت وتعبت
واحد والله كان كل هدفه من صحبتك
ولا حاجة غير صحبتك
أتغيرت ليه ياصاحبي وبقيت كده
كان لازم امشي وأبعد وأسيب كل ده
بس بقولك أيه
لو عايز نرجع زي ما كنا
تعالي للمكان اللي بقعد فيه
حتلاقيني موجود
لو كنت جي وهمك صحبتي
وبقيت صاحبي اللي أنا عرفته من زمان
أضمنلك أن أحنا حنرجع صحاب تاني
يلا بقي دلوقتي سلام علشان
أحنا ما بقناش صحاب خلاص
ســــــــــلام يا صــــاحبي
56 comments:
السلام عليكم
كل سنه وأنت طيب
أيه البوست الجميل ده
بجد كلام بسيط ويدخل القلب وخصوصا أنه بيتكلم عن الصديق اللى هو من أغلى الاشياء فى الدنيا
لآن الصديق هو بعد الأهل أهلك لو كنت قريت البوست اللى كنت كاتبه عن الصداقه هتعرف الصداقه عندى بتساوى إيه .....وبجد حاجه توجع أوعى لما صحبك يبيعك أو يزعلك
ربنا يخلي كل الصحاب لبعض
بوست حساس وجميل
ومبروك على النيو لوك يارب يكون فتحت خير عليك
تحياتى
كل سنة وانتي طيبة
بجد الصاحب ده من أهم الحاجات في حياة الشخص
وبيساهم بجزء كبير في تكوين حياته
بس ألم الغدر والفراق وحش جدا
يارب يكون النيو لوك عجبك
ازيك عامل ايه
ومبروك على احسن ناس
شوف موضوع الصحاب ده مهم اه لكن انا واحدة من الناس
ليا اسلوب فى علاقاتى مع الناس
وهيا انى بحاول مع الشخص الى قدامى تلات مرات وبعدها ببيع لانى بحس ان اشخص الى قدامى خلاص بايع ومبيقدرش انى مازلت مصرة اننا نبقى صحاب
لكن صدقنى ساعات بنبقى مضطرين نبيع لانها مش فارقة معاهم
بس المهم انك تكون فعلا حاولت تصلح علاقة الصداقة بينكم عشان متندمش فى لحظة
ربنا يوفقك للخير ومتزعلش بكرة تقابل ناس كتير وتتعلم كتير
البنت الشلبية
هو أنا مش زعلان ولا حاجة
بس لما تبقي حاطة أمل علي حد أو ثقة حاطها في حد
وتطلعي ان انتي غلطانة وهو ما كنش قد الثقة دي
وأنا اصلا حاولت كتير تصليح العلاقة
بس للأسف
مافيش فايدة
وعلي فكرة اسلوبك في تعاملك مع صحابك أعتقده أسلوب مثالي
لأني أعتقد أن الصاحب اللي يغلط في حق صاحبه أكتر من كده
أكيد ما يستاهلش
والله يبارك فيكي
هو أصلا الاسم أنا مقتبسه منك
ولو مضايقه ولا حاجة ممكن أغيره
وأكيد انتي اول واحدة علي القايمة دي
وكل سنة وانتي طيبة
السلام عليكم
يا هلا بعودتك
" ولو انها متأخرة"
بتفق كتير مع " البنت الشلبية"
طبيعة العلاقات
واى علاقة سواء صداقة ..اخوية..امومة..ابوة...زواج
انها بتمر بلحظات من الفتور
كل له مشاكله ومنغصاته
وبالتالي مقدرش ابيع بسهولة وخاصة لو انا باقية
على العلاقة دي- الصداقة- ولو
حصل مثلا ان الطرف التانى هو اللي باع ..بديها فرصة انتظار
وف آخر الفرصة دي..بروح اقولها ان احنا على وشك البيع وقطع العلاقة وبكلمها بمنتهى الصراحة
ها..تحبي تكملي في قطعها ولا نعيد علاقتنا مرة اخرى
ونحاول التعرف على الاسباب اللي بعدت بينا
كلمات البوست حلةو جدا
ومعبرة اوى
وربنا ما يحرمكش ولا يحرمنا من نعمة الصداقة
سلاماتي
يعني اسكندراني ودمك زي العسل وبتكتب بستات تحفه وجيت تزورني في مدونتي لأ بقى ده كده لازم اطالب بإن حضرتك تكون صاحبي
تحياتي ليك
جميله قوي فكرة ان الواد يدو على صاحبه ويعاتبه لما ينساه يمكن تكون الدنيا شاغلاه ولا الهموم منسياه
انه فيوم كان ليه صديق يشيل معاه الهم والضيق
وانه مالوش غيره يقعد معاه ويكلمه ومن عيونه يفهمه
ما علينا تحياتي يا صديقي العزيز
سلاااااااااااااااام
مين صاحب اللي خلاص بتقوله سلام
الصداقة الشئ الوحيد اللي ميتعوضش
عيبك الوحيد انك زمالكاوي
السلام عليكم
اول مرة ادخل مدونتك يا دكتور
الصداقة لا تناع ولا تشترى
دا كلام المنطق
واللى يبيعك بيعه
سلام
السلام عليكم ورحمة الله وبركاته
طيب أسأل سؤال؟
ممكن؟
ان شاء الله ممكن
طيب هو باع
خلاص يعني غدر بيك
حسيت منه انك صفر على الشمال عنده
ولا في موقف نتج عنه حالة
الجفاء دي
ما تاخدش قرار وانت في حالة غضب
وماتحاسبهوش على تصرف او سلوك صدر
منه في ساعة غضب
اقعد مع نفسك الاول
واقسمها اتنين
انت واحد وهو واحد
وخليهم يتناقشوا بالعقل
وبموضوعية
شوف ايه اساس الشقاق
وانت ادرى بصاحبك وبفكره
حاول تفكر بدماغه يمكن تعذره
وتتفهم موقفه
وتذوب الجليد اللي بقى بينكم
وتبقى انقذت علاقة
هي بمثابة الكنز
لان الصداقة كنز
لكن لو هو باعك اكيد
واحساسك دا مبني على شواهد ومواقف
يبقى ما تبكيش عليه
ولورجعلك
مالوش لازمة
اللي بيبيع مرة بيبيع الف مرة
والمرات التالية بتكون اسهل واسرع والثمن ارخص من اول مرة
المهم بلاش تستعجل
حكم عقلك
ولو له عذر اعذره
وكل سنة وانت طيب
مدونة حلوة وكلماتها بسيطه لانها اكيد خارجه من القلب عجبنى بوست فتاة أحلامى ده لانه فكرنى بليل اسكندريه والقعده فى عز البرد وانت مش حاسس لانك فى دنيا دنيا مع فارس أحلامك أو فتاة أحلامك يلا ما علينا هستنى تعليقاتك دايما وبالنسبه لصاحبك اوعى تسيبه حتى لو بعد قرب انت لانك مش هتعرف تعوضه اصله غالى قوى اليومين دول يلا باى
السلام عليكم
كل سنه وانت طيب
بوست جميل
بس بلاش تفرط فى صحابك
الواحد مابيلاقيش صحاب بالساهل
حاول معاه مره تانيه اكيد هو مش مستغنى عنك بسهوله كلمه وقوله على اللى مضايقك منه
اكيد له تبرير
تحياتى
طبعا مفيش حاجة تضايقنى من الاسم
لو عايز خد اسم المدونة كلها كمان
وياريت نبقى اصحاب بجد
وربنا يوفقك ويكرمك
mesh2dra
علي فكرة أنا رجعت من زمان
بس للاسف ما كنتش عارف ادخل علي اللينك بتاعك
تقريبا انتي غيرتيه ولا ايه مش عارف
بس كذا مرة ادخل ويقةلي ان البلوج ده مش وجود اصلا لغاية لما لقيت أسمك صدفة في مدونة من المدونات وقولت يارب تكوني انتي
ماكنتش لسة متاكد
وأكيد طبعا دلوقتي حنرجع صحاب زي زمان
وطبعا حتكوني علي قايمة احسن ناس في المدونة بتاعتي
*******************************
أما بالنسنة للصداقة
علي فكرة أنا مش من النوع اللي ببيع صحابي بسهولة
انا مش من النوع اللي ببيع صحابي أصلا
بس لما صاحبك اللي هو المفروض بيخاف عليكي وبيحترم شعورك تلاقيه العكس تماما
وقولته كذا مرة
بس أنا من جوايا عارف ان الصداقة دي توشك علي النهاية
أقولك ليه
علشان أنا عارف السبب اللي بيخليه يعمل كده
سبب لا أعتقد انه حيزول في يوم من الايام
**********************************
علي فكرة أنا مبسوط جدا بردي علي الكومنت بتاعك
ده تقريبا أكبر كومنت كتبته طوال حياتي المدونية القصيرة
Mohamed sobhy
الصاحب لما يوصل لمرحلة معينة
وتحس انه خلاص بيبيع
وأنه مش باقي علي العشرة
او زي ما بيقولوا مش همه حتي
العيـــــــــش والملـــــــــــــح
اللي بينكم
ولما تقوله كذا مرة
وكل ده والحال هو الحال
يبقي لازم تقوله سلام
**********************
بيب بيب زمالـــــــــــــــك
عايز نبقي صحاب
ما تجيبش سيرة الزمالك
الزمالك ده خلاص بقه في دمي
الشنكوتي الكبير
والله أنت اللي زي العسل
ومن غير ماتطلب ياباشا أحنا صحاب طبعا
بس هو تكون بتبيع برده ؟؟؟
ههههههههههههههههه
بهزر والله بس
لا اعتقد انه في الدنيا في علاقة زي الصداقة
بس لو كانت قايمة علي الصدق والمحبة
وبين اتنين مش عايزين مصلحة من بعض
وربنا يخلي الأسكندرانية لبعض يا باشا
تحياتي يا صاحبي
تخاريف دكتور
هو ده كلام العقل
كلام دكاتره بجد
اللي يبعك بيعه
بس أنا عايز أقولك ان انا ما بعتش كده بسهولة
ومش من أول مرة
أنا بعت لما خلاص بقي ما كاش ينفع أكمل
ســـــــــلام يا دوك
مـــــــا علينا
هو والله مش موقف واحد
المواقف كتيرة جدا
كلها بتقول أني خلاص
بقيت صفر علي الشمال
في الأول كنت باستحمل
وأجي علي نفسي وكلمه
وما يفوتش كام يوم الا وتلاقي نفس الموقف اتكرر
والمشكلة أن انا عارف ايه اللي بيخليه يعمل كده
حاجة جدت في حياتي
وممكن يبيع صاحبه علشان الحاجة دي
خلاص يبقي أنا ممكن ابيعه علشان احافط علي معني الصداقة
اللي أنا أعرفه
المعني اللي انا مش مستعد أنه يتهز قدامي
بالذات في الوقت ده
الوقت اللي أنا محتاج فيه الصديق أكتر من أي وقت فات
يبقي ابيع بقي ولا لآ ؟؟؟؟؟
فكرة أن أنا أقسم نفسي أتنين واحد انا وواحد صاحبي
فكرة جبارة رائعة
باذن الله حابقي أعمل بيها علي طول في حياتي
Bonboni
والله لو لفيت الدنيا كلها
مش حلاقي مكان ممكن ارتاح فيه
زي القعدة علي شط أسكندرية
وأقعد أفكر في أي حاجة شغلاني
وعلي فكرة غالبا باوصل لقرارات سليمة
وانا قاعد علي البحر
اليود بقه بيدخل يشغل المخ وتلاقيه بيشتغل كده
ربنا يخليلي أسكندرية
والله مش عارف كنت حاعمل ايه لو مش عايش فيها
اما بالنسنة للصاحب
فالصاحب يكون صاحب لما يكون صاحب
طبعا مش فاهمة
يعني أي واحد بيقول أنه صاحبي
مش حأعامله معاملة الصاحب
الا لما اتاكد انه صاحب بجد
وانه ما يهمهوش ألا اصداقة اللي ما بنا
soka
الواحد فعلا ما بيلاقيش صحاب بالساهل
بس المفروض لما يلاقيهم
يكونوا صحاب بجد
بس لما تلاقيهم مش كده
ويبيوا كذا مرة
وتقوليلهم علي اللي مزعلك منهم
ويكرروه تاني
يبقي هما ما بيحافظوش علي شعورك
ويبقي بجد مش ده الصاحب اللي أنا بدور عليه
صح ولا أنا غلطان ؟؟؟
تحياتي
البنت الشلبية
أكيد احنا باذن الله حنكون صحاب
وربنا يخليكي علي ذوقك الكتير ده
والله مش عارف اعمل ايه قدام كل الذوق ده
ههههههههههههه
مبلاش في دمك اصل الدم مرتبط بضغط الدم
هو اللي انا متاكد منه انه فعلا جالي الضعط
بس فعلا الزمالك ده في دمي
وده مش مرتبط بانه حلو ولا وحش
بيكسب ولا بيخسر
اكيد مش كل حاجة احنا بنحبها بتكون احسن حاجة في الدنيا
تحياتي يا أهلاوي
واتمني بجد نكون اصدقاء
ما احنا بنتكلم اهو و هي الصداقة مش بتبدأ بالكلام
جميل جميل جميل
كل شىء جميل
الأسلوب
التعبير
الهدف
حقيقى حلو
تحياتي
طالما في مواقف كتير
ودي مش اول مرة
وانت اديته فرصة
يبقى خلاص
كان صديقك
يعني كان انت
هو دا معنى الصداقة عندي
اني وصديقتى واحد
مش معنى كدا التشابه
لكن وحدة الروح
والخطوط الاساسية
دلوقت على حسب ما يستحق
ممكن تخليه جوا حياتك
لكن مش في قلب الصفحة
مش بين سطورك
خليه هناك
بعيد
على الهامش
الهامش الفاضي
اللي لو اتقطع من الصفحة ما ياثرش على مضمونها
وعيش حياتك من غير ما تحزن عليه
ووخليك محتفظ بصورة الصداقة اللي في ذهنك
لانها موجودة
ابدا اوعى تخلي انسان
يكون هو المنحكم في نظرتك
لحياتك
ولا تصنع معاييرك بناء على مواقف البعض
اهي مواقف بتتعلم منها وبتاخد خبرة تضعها
ضمن زادك الذي تتزود به
في رحلة حياتك
صدقني دا مش كلام كتي ولا شعارات
دا واقع
اتعلم من كل حاجة
حتى من اللي بيبيعوك
اتعلم
علشان تتجنب ان حد يبيعك بعد كدا
بانك تتعلم ازاي تختار صداقة صح
وتتعلم
مع مين ولمتى
تكون ثقتك
mohamed sobhy
عايز نبقي صحاب
بلاش نتكلم عن الاهلياوالزمالك
ياريت
كفاية عليا الزمالكواللي بيعملوه فيا
حاول تفتكرني
أنا كدهبجد حتغر في نفسي قوي
ده أنا حتي مبعرفش أعبر خالص
شكرا عليالمجاملة الرقيقة دي
مــاعلينا
فعلا أنا وصاحبي واحد
علشان كده الغدر منه بيكون قاسي قوي
هو في حد ممكن يغدر بنفسه ؟؟؟
مفهوم الصداقة عندي مفهوم سامي قوي
وصعب أنه يتغير
مهما يحصل حيكون جوايا
وافضل مستني الصاحب
اللي فعلا يستاهل أنه يكون صاحب
**********************************
بجد كلامك عاجبني قوي
ونصايحك عملية بشكل مثير
بجد الكومنتات بتاعك اتعلمت منا كتير
أتمني ان نكوم كده علي طول
ســـــــــــــلاماتي
كيمو
هتصدقنى لو قلتلك انى ديه اكتر مره احس فيها ببوست انت كاتبه و كمان يمكن اكون اكتر واحد حاسس بالموضوع ده
انت عارف قد ايه احنا عرفنا ناس فى حياتنا منهم اللى بقى اللى بينا مجرد سلام و منهم اللى حتى نسينا ملامحه
تضاربات و صراعات و حياه مالهاش عوزه
بس صدقنى لو اللى بينكم فعلا على اسا س من الاول يبقى اكيد كل حاجه ترجع زى ما كانت و احسن
و هتشوف
سلاااااااام يا صاحبى
لا جامده بس ليه سيبتوا بعض مع انك شكلك بتحبه ولا دا خيال مش حقيقه
بوست هايل وجميل فعلا الصداقه ما تتقدرش بكنوز
كلام بسيط من قلبك واضح
الفكره حلوه و جديده بس الاسلوب مش في جودة الفكره
بس جميل
تحياتي
TOP PORTUGUESE UNIVERSAL WRITER: CRISTOVAO DE AGUIAR.
He has, also, translated into Portuguese the Wealth of Mations by Adam Smith.
He has been awarded several prizes.
Don't forget the name of this great author, you'll be hearing of him soon.
Thank you for spending time in Universal Culture.
Please don’t erase this coment from your blog.
Thanks for visiting
koky انا حاسة باللي انت كاتبه عشان انا عايشاه ووجعني قوي كلامك بس اكيد العشرة مش حتهون واكيد حيكون فيه بداية للي كان زمان بيجمعنا
شريف الغريب
اكيد الناس اللي بقي كل تعاملنا معاهم مجرد كلام
كان علاقتنا بيهم من الاول لا ترقي لمستوي الصداقة الحقيقية
ولو انت شايف انه لو اللي بينا لو كان علي اساس فمعني كده انه كل شئ حيرجع زي ما كان
اعتقد ان انت غلطان
ايوة غلطان
الجرح مهما التئم
فهو بيسيب اثر
والجرح لو كان كبير
فعمر مكانه ما بيرجع طبيعي تاني
sendrlla
لآ
ده مش خيال
ده بجد فعلا
ده فعلا صاحبي
وكانت صداقتي ليه لا تقدر بكنوز زي ما انتي بتقولي
بس الناس القريبة ليكي قوي
الجرح منهم بيكون كبير جدا
وصعب نسيانه
*******************************
بجد اتمني تكرار زيارتك الجميلة لمدونتي
تحيــــــــــاتي
ert3ashat
انت لو كنت قريت عنوان البلوج بتاعي كنت عرفت
انا اصلا ما بعرفش اكتب
ده انا حتي في كلمات بكتبها غلط
بس انا بكتب حاجة في قلبي وخلاص
مش مشكلة اسلوبها عامل ازاي
المهم اني اطلعها وخلاص
ممكن علشان انا ما بعرفش اطلع اللي جوايا قدام الناس
ممكن
شكرا علي زيارتك
shahrzad_storry teller
والله مش فارقة العشرة تهون ولا ما تهونش
انتي ليه محسساني
اني محتاج يشحذ العشيرة من اصدقائه
انا عندي مبدأ
طالما العشرة هانت عليه مرة
تبقي حتهون مرة وعشرين مرة
يبقي خلاص
اللي يبيعني
لازم ابيعة
واللي انا مش فارق معاه
اكيد هو برده مش فارق معايا
ولو واحد باع
اكيد فيه مليون تهمهم الصداقة
ومش حيبيعوا
لا ان شاء الله هيرجع وتقوله حمد الله عالسلامة ياصاحبى
:)
نعم لا يوجد ما هو اصعب من ضياع الاصدقاء
انها الخسارة الحقيقية
تحياتى وامنياتى باستعادة صديقك
انت لسه ما جاوبتش التاج
انا ما عنديش حاجة اسمها لسه في كلام
وبعدين مدة طويلة مدة قصيرة
خلاص مش قلنا بقينا
اخوات واصحاب
المرة الجاية
عاوزة اجي الاقي التاج باجاباته
غلاسة بقى
اشمعنى انا لوحدي يعني
أولا شكرا على الزياره ..كلامك حلو خصوصا انك مرمتش صاحبك وسبته لمجرد انه سابك ..أحلى حاجة انك قولته انك مستنيه لو رجع تاني لنفسه وبقى صاحبك حلوه قوي
تعرف البوست ده فكرنى بكل اللى عرفتهم طول حياتى
ومين كان كويس معايا ومين كان وحش
لدرجة ان مبقاش عند صديقات غير اتنين
الصداقة الحقيقية بتدوم
وان شاء الله صديقك يرجع تانى ويقولك اسف كان عندى ظروف فى الفترة الاخيرة شغلتنى عنك
تحياتى على البوست الهايل وعلى قلبك الكبير
كنــا صحاب ولا أي صحــــــاب
دلوقتي بقينا أكتــر من الأغـــــــراب
مش لوحدك يا عم كلنا اتخدعنا فناس كتيره
والايام ياما بتكشف حقايق وبتفضح نفوس
ايه يا عم الحلاوه دى
بالرغم انه مش شعر و لا زجل بس كلام بسيط و جميل
و حاسس انه خراج من القلب و من واحد
مجروح بسبب صديق
ربنا يرجعكم لبعض انت وصحبك لو كان فى زعل
يا حبيبي انا مقدرش اتأخر عنك
بس هو رمضان بيبقى اليوم فيه سريع قوي ومش بلحق اعمل حاجه خالص عموما انشاء الله هاضيفك عندي في الماسنجر جايز لو دخلنا مره نتقابل سعيد بصداقتك جدا
بس على فكره انا مش من اسكندريه بس بحب اهلها جدا
سلاااااااااااااااااااااام
همسات
ربنا يخليكي
ربنا يسمع منك
بس ساعات بحس انها مش فارقة
والللي يبيع مش لازم احزن عليه
goodman
والله دي فعلا اسوأ حاجة في الدنيا
ربنا ما يكتبها علي حد
عارف لو حد غريب باع
مش مشكلة
بس واحد قريب قوي
وصاحبك
اكيد ده حرج جامد قوي
مــــــــــــــــــــاعليــنا
ماشــــــــــــــي
بس علي فكرة
حاردهالك
بس مش دلوقتي
وخلاص
امري لله
حاجاوبه
بس عارفة
علي الرغم من اني زعلان علشان حاجاوب التاج ده
بس
سعادتي بصداقتك لا توصف
واتمني فعلا دوام صداقتنا
تحياتي
بنت مصر
اولا برحب بيكي في اول زيارة لمدونتي
واتمني تكرار الزيارة باذن الله
ثانيا انا مقدرش اسبه او اشتمه
لاني ببساطة اول ما تيجي الفكرة دي في دماغي
اكيد حافتكر الايام الحلوة اللي قضناها مع بعض
وافتكر العيش والملح اللي ما بنا
واكيد طبعا مش حاقدر
desert cat
اكيد لو كان صداقتي تهمه كان كلمني من زمان
للاسف ما اعتقدش انه حيعمل كده
وفعلا احنا بنتعلم
واشخاص كتير بنعرفهم
وكتير برده بننساهم
بس الصديق الفعلي هو اللي يدوم
وشكرا علي كلامك الرقيق ده
زوجة مفروسة
طب المفروض نعمل ايه ؟؟؟؟؟
ما بصاحبش حد لاننا عارفين انهم كلهم حيبيعوا
ولا نصاحبهم ونبقي مستنيين لحظة البيع
محمد مارو
شكرا ياباشا
وعلي فكرة
انا لابعرف اكتب شعر ولا زجل
هو كلام بيبقي في قلبي وبطلعه
ده انا حتي ما بكتبهوش في ورق الاول
بقعد علي الكبيوتر
واللي بيجي في بالي باكتبه
الشنكوتي الكبير
ياعم اسكندراني ولا لآ
مش فارقة
واكيد باذن الله حنتقابل علي الماسنجر
تحياتي ياصاحبي
kemon ,, ana mesh 3aref a2olak eyh ,, bas elsdaka she2 la yo3awad da elly beykhalena khayfeen 3leha w benengere7 awy law elta3na gat men elsadeek ,, bas law 7ad gara7ak yeb2a mosh bey7ebak ,, yeb2a beltaly ma yestahelsh ennak tedaya3 atp fe mogarad tafkeer feh la2eno howa keda bardo mesh 3amelak 7sab madam gara7ak ,,, t7yaty
ALy
عنك حق
طالما في حد جرحني
وانا استحملتوا كتير ونبهته للموضوع ده
وتلاقيه بيكرر نفس الموضوع اللي بيجرحك تاني
يبقي اكيدمش حيكون فارق معايا
واكيد مش حزعل عليه
لانه ببساطة اثبت ليا ان انا مش مهم عنده
ســـــــــــــــلاماتي
Post a Comment